O Concello de Santiago de Compostela leva colaborando coa Cámara de Comercio de Santiago de Compostela apoiando a creación de empresas e o autoemprego a través de programas de formación, fomento da cultura emprendedora e apoio á mellora empresarial dende a creación, no ano 2004, da Oficina de Promoción Económica municipal.
 

Quen se pode beneficiar do servizo?

• Persoas emprendedoras.
• Comercios e empresas xa establecidas.
• Asociacións de comerciantes, profesionais e outras entidades.

Cómo funciona?

Calquera dos servizos ten establecido un sistema de cita previa ao que se pode acceder a través dos seguintes medios:

• Servizo de asesoramento ao Emprendemento no enderezo electrónico emprende@camaracompostela.org
• Servizo de Coworking  no enderezo electrónico coworking@camaracompostela.com
• Viveiro de Empresas nos enderezos electrónicos:
  • recepcion.vivero@camaracompostela.org
  • serviciotecnico@camaracompostela.org

Para calquera outra información pode contactar no seguinte teléfono 981596800 ou no correo electrónico informacion@camaracompostela.com

Que servizos presta?

Na actualidade o Concello de Santiago de Compostela en colaboración coa Cámara de Comercio de Santiago ofrece os seguintes servizos:

• Información, orientación e asesoramento integral a persoas emprendedoras, comerciantes e empresarios/as en activo.
  • Emprendemento: información e orientación sobre todos os aspectos relacionados coa constitución da empresa.
  • Consolidación empresarial: acompañamento a empresas e comercios establecidos.
• Formación: mellora da profesionalización.
  • Plan de formación continua.