O Concello de Santiago, a través do departamento de Promoción Económica, pón en marcha un programa municipal que ten como obxectivo construír unha economía máis próxima e xusta a través do apoio a proxectos que sexan sostibles económica, social e ambientalmente. Trátase de “Faino en Santiago”, unha iniciativa que, tal e como explicou a concelleira María Rozas, “nace para acompañar ás persoas que queiran emprender, a través de pequenas empresas que integren a sustentabilidade no seu modelo de negocio, axudándolles a construír un proxecto viable e duradeiro no tempo”.
A alcaldesa de Santiago de Compostela, Goretti Sanmartín, participou esta mañá no acto de peche da Asemblea Xeral da Confederación de Empresarios de Galicia (CEG), unha ocasión que cualificou como “de grande importancia” para volver reforzar a conexión entre o concello e o tecido empresarial do país.
Cooperativas, Executivas, Economistas, Cámara, Polo Biotecnolóxico, Universidade, Empresarias e empresas reúnense no centro CERSIA Empresa da man de Promoción Económica para falar de Nova Economía e retos económicos en clave local.
O departamento municipal de Promoción Económica do Concello de Santiago de Compostela pon en marcha un novo servizo de información e atención a persoas emprendedoras que estará activo durante as mañás dos luns no edificio CERSIA Empresa, en San Lázaro. Para acceder ás sesións de asesoramento personalizado, deberá solicitarse cita previa por mail á dirección de correo electrónico sae@santiagodocompostela.gal.
A sesión de presentación do Plan de Acción marcou o inicio dun camiño compartido para construír unha cidade máis xusta e sostible. A xornada reuniu entidades do ecosistema local para debater prioridades e retos estratéxicos de futuro. O encontro, celebrado no CERSIA Empresa, serviu para validar o documento inicial e lanzar unha folla de ruta baseada na cooperación.
O Concello de Santiago, a través da Concellaría de Dereitos e Servizos Sociais, Promoción Económica e Xuventude, impulsa o Plan de Acción para a Economía Social nos Barrios de Compostela. Trátase dun proxecto estratéxico que ten como obxectivo activar e consolidar o ecosistema local de economía social dende unha perspectiva de proximidade. A iniciativa enmárcase nas liñas da estratexia Feito en Santiago 2025 e da EDUSI Santiago, e está cofinanciada polo Fondo Europeo de Desenvolvemento Rexional (FEDER).
A sociedade municipal TUSSA e a startup MOBME, constituída polo Grupo Castrosúa para procurar solucións innovadoras de micro mobilidade nas cidades, van colaborar no estudo dunha solución ás demandas de mobilidade de Santiago. Así se recolle no convenio firmado pola alcaldesa Goretti Sanmartín, na súa calidade de presidenta do Consello de Administración de Tussa; e por Beatriz Castro, conselleira delegada da carroceira compostelá. No acto de sinatura participou tamén o concelleiro de Mobilidade e Convivencia, Xan Duro.
A Rede de Entidades de Desenvolvemento Local, que nestes momentos preside Santiago, vén de celebrar a súa Asamblea Xeral no municipio tarraconense de Falset. Na xuntanza aprobouse a incorporación de novos socios a REDEL: os concellos de Alzira, Torrelavega, Oropesa del Mar e San Cristóbal de La Laguna.
A festa do comercio local “Prima 25” celebraráse do 5 ao 7 de xuño e encherá as rúas de música, pasarrúas e propostas de animación infantil. A concelleira de Dereitos e Servizos Sociais, Promoción Económica e Xuventude, María Rozas, presentou hoxe a programación “que quere animar as vendas no pequeno comercio, poñer en valor a experiencia de compra presencial nos establecementos de barrio, e atraer novos perfís de clientela”. A tenenta de alcaldesa fixo unha chamada ao tecido comercial a sumarse á festa sacando os seus produtos á rúa e adornando os seus establecementos e escaparates para a ocasión.
O Concello de Santiago, a través da Concellaría de Promoción Económica, e a Cámara de Comercio colaboran un ano máis na posta en marcha de diferentes actividades de información e formación para fomentar o espírito emprendedor e mellorar a competitividade das empresas de Compostela. Ese é o obxectivo do convenio presentado hoxe pola tenenta de alcaldesa, María Rozas, a presidenta da Cámara de Comercio, María Pais, e a secretaria xeral da Cámara, Rosa Mary Cardeso. O Concello destina a este programa un orzamento de 75.000 euros.