O proxecto Women, Enterprise, Employment in Local Development (Muller, Empresa e Emprego no Desenvolvemento Local) enmárcase no proxecto URBACT II, e ten por principal obxectivo o de estudar propostas para mellorar a situación das mulleres no mercado local de emprego, na economía cognitiva e na actividade emprendedora. Estas propostas estúdanse a través dos Grupos de Acción Local constituídos en cada unha das cidades participantes.

O Grupo de Acción Local de Santiago de Compostela constituíuse o 19 de setembro do 2008. Son integrantes do mesmo todos os axentes da cidade relacionados cos ámbitos do desenvolvemento local: Xunta de Galicia, administracións, empresas, sindicatos, USC, ONGs, asociacións, etc.

A misión do Grupo é redactar un Plan de Acción Local para executar a partir do 2010, que integrará tres liñas de actuación:

• Traballo e empregabilidade.
• Innovación e economía do coñecemento.
• Emprendemento e empoderamento económico.

Son socios participantes do proxecto WEED:

• Concellaría de Promoción Económica, Emprego, Comercio e Turismo do Concello de Santiago
• cidade eslovena de Celje, que é o socio principal
• acidade italiana de Enna
• a cidade italiana de Crotone
• a cidade sueca de Umea
• a cidade checa de Karvina
• a cidade francesa de Amiens
• a cidade belga de Skaarbeck
• a cidade valenciana de Alzira